Azərbaycan boksçusu Nicat Hüseynov İtaliyanın Busto Arsistyo şəhərində keçirilən I Dünya Olimpiya Təsnifat Turnirində 1/8 finala yüksəlib.

Prosport.Az xəbər verir ki, ikiqat Avropa çempionumuz 2-ci görüşündə milliyyətcə azərbaycanlı olan Sahil Alahverdovini (Gürcüstan) məğlub edib.

Nicat Hüseynov qitənin ən güclüsünə və dünya çempionatının finalçısına 5:0 hesabı ilə qalib gəlib. O, 1/8 final döyüşünü martın 10-da keçirəcək. Rəqibi Rudolf Qarboyan (Ermənistan) olacaq.

Qeyd edək ki, Nicat Paris-2024 Yay Olimpiya Oyunlarına lisenziya xarakterli turnirdə ilk qarşılaşmasında Dipak Dipaka (Hindistan) qalib gəlib. O, yarımfinala yüksələcəyi halda Fransa paytaxtına vəsiqə əldə edəcək.