Azərbaycan boksçusu Şəhla Allahverdiyeva İtaliyanın Busto Arsitsyo şəhərində keçirilən I Dünya Olimpiya Təsnifat Turnirinə qələbə ilə start verib.

Prosport.Az xəbər verir ki, 66 kq çəkidə "Paris-2024"ə lisenziya uğrunda mübarizə aparan yığma üzvü 1/32 final mərhələsi çərçivəsində Hoanq Nqok Maini (Vyetnam) yarışdan kənarlaşdırıb – 4:0.

Allahverdiyeva 1/16 finalda ilk mərhələdən azad olan Mariana Soto (İspaniya) ilə qarşılaşacaq. Görüş sabah olacaq.

Xatırladaq ki, Şəhla Allahverdiyevədək Nicat Hüseynov (51 kq), Ümid Rüstəmov (57 kq), Tayfur Əliyev (63,5 kq), Sərxan Əliyev (71 kq) və Zeynəb Rəhimova (54 kq) da mərhələ adlayıb.

Qeyd edək ki, lisenziya turnirinə martın 11-də yekun vurulacaq.