Bakı Futbol Federasiyası İctimai Birliyinin Növbədənkənar Hesabat-Seçki Konfransı keçirilib.

Prosport.Az xəbər verir ki, beynəlxalq dərəcəli hakim, "Neftçi" klubunun sabiq vitse-prezidenti, "Sabahın ulduzları" uşaq-gənclər layihəsinin ideya müəllifi Tahir Süleymanov Bakı Futbol Federasiyasının prezidenti seçilib.

Bu, müvafiq qurumların təqdimatı ilə Ədliyyə Nazirliyində təsdiq edilib.

Qeyd edək ki, tanınmış futbol funksioneri 2010-2014-cü illərdə "Neftçi"nin vitse-prezidenti vəzifəsində çalışıb.

Onu da bildirək ki, daha əvvəl bu federasiyanın prezidenti Azərbaycan Beynəlxalq Bankının sabiq rəhbəri, "İnter" (indiki "Şamaxı") klubunun keçmiş prezidenti Cahangir Hacıyev olub. Vitse-prezident vəzifəsini isə ötən ilin mayında rəhmətə getmiş jurnalist Məzahir Süleymanzadə icra edib.