“Zirə”nin müdafiəçisi Dimitrios Xantakias Azərbaycan çempionatlarında 100 oyun keçirən ilk yunanıstanlı futbolçu olub.

Prosport.Az xəbər verir ki, onun yubileyi Premyer Liqanın XXV turunda “Turan Tovuz”la qarşılaşmaya təsadüf edib.

29 yaşlı arxa xətt oyunçusu 1:1 hesabı ilə başa çatan görüşdə 90 dəqiqə meydanda olub. Xantakias çıxış etdiyi 100 oyunda ümumilikdə 6 qol vurub.

Qeyd edək ki, Dimitrios Xantakias 2020/2021 mövsümündən “Zirə”nin formasını geyinir.