“Qarabağ” Azərbaycan çempionatlarında 300-cü ev qələbəsini qazanıb.

Prosport.az xəbər verir ki, bu, Premyer Liqanın 36-cı turunda baş verib.

Qurban Qurbanovun baş məşqçisi olduğu komanda mövsümün son matçında “Turan Tovuz”a qalib gəlib – 3:1.

Ağdam klubu 1992-ci ildən keçirilən ölkə çempionatlarında 300-cü ev qələbəsini 438-ci oyunda bayram edib. “Qarabağ” bu göstəricidə mütləq rekordçudur.

Ağdamlıların ilk ev qələbəsi 1992-ci mayın 6-da qeydə alınıb. Həmin gün Kürdəmir “Şirvan”ını qəbul edən “Qarabağ” 6 cavabsız qolla qələbə qazanıb.