AFFA İcraiyyə Komitəsinin təxirə salınmış iclasının vaxtı açıqlanıb.

Prosport.Az milli assosiasiyanın rəsmi saytına istinadən xəbər verir ki, toplantı martın 1-də Gəncədə olacaq.

İclasın gündəliyinə AFFA-nın Növbəti Hesabat-Seçki Konfransının tarixinin müəyyənləşdirilməsi və digər məsələlər daxildir.

Qeyd edək ki, AFFA İcraiyyə Komitəsinin iclasının yanvarın 11-də Gəncədə təşkili planlaşdırılsa da, sonradan təxirə salınmışdı.