"Qarabağ"ı daha 2 şəxs tərk edib.

Prosport.Az-ın xəbərinə görə, klubun 15 ilə yaxın masajçısı işləyən türkiyəli Oktay Gürsoy "Qarabağ"dan ayrılıb.

Bu barədə türkiyəli mütəxəssis bunları bildirib: "2009-cu ildən bu günə qədər əmək verərək xidmət etdiyim, könül verdiyim, çox sevdiyim "Qarabağ" Futbol Klubu ailəmdən bu gündən etibarən ayrılıram. Ötən 14 il üçün, mənə və ailəmə gözəl anlar yaşatdıqları üçün prezidentimiz Tahir Gözələ, klub direktorumuz Əmrah Çəlikələ, menecerimiz Asif Əsgərova, müəllim hocam Qurban Qurbanova, çox sevdiyim dəyərli məşqçilərimə, heç vaxt unutmayacağım kapitanlarım – Rəşad Sadıqov, Qara Qarayev, Maksim Medvedevə, bütün iş yoldaşlarıma, bütün idmançı qardaşlarıma və dəyərli azarkeşlərimizə çox çox təşəkkür edirəm. AZƏRBAYCAN mənim VƏTƏNimdir. Hamınızı çox sevirəm. Haqqınızı halal edin. Qarabağ Azərbaycandır, Azərbaycan Qarabağdır".

Bundan başqa, ötən il gəlmiş ukraynalı fizioterapevt Pavel Dubko da klubdan ayrılıb. Daha əvvəl klub Akademiyasının direktoru Tacəttin Doğanla yeni müqavilə bağlanmamışdı.

Futbolçulardan isə Ramil Şeydayev, Musa Qurbanlı, Qara Qarayev və Filip Ozobiçin ayrılacağı gözlənilir.

Səbuhi Musa