"Qarabağ"ın aşağı yaş qrupları üzrə komandalarının ev oyunlarını keçirdiyi "Sərhədçi" İdman Mərkəzinin stadionunda təmir işləri gedir.

Prosport.Az-ın xəbərinə görə, meydançaya hazırda asfalt döşənməsi üçün qum səpilib. Bundan sonra asfalt döşənəcək və onun üzərinə yeni qazon salınacaq.

Qeyd edək ki, bu stadionda "Qarabağ"ın U-14, U-15 və U-16 komandaları ev oyunlarını keçirir. Qazonun yenilənməsi təxminən 2 ay davam edəcək. Bu müddətdə komandalar ev oyunlarını köhnə "Neftçibaza"da (Olimpiya növləri üzrə Milli Komandalar üçün Təlim-Məşq Mərkəzi) keçirir.