"Qarabağ"ın braziliyalı hücumçusu Juninyu komandanın düşərgəsini tərk etməyəcək.

Prosport.Az-ın xəbərinə görə, onun həyat yoldaşı Vivianın Bakıdakı həkimi, ginekoloq İranə Qorçiyevanın paylaşımı söz-söhbətlərə səbəb olub. O paylaşımda bildirib ki, doğum Braziliyada olacağından, cütlük vətənlərinə uçacaq.

Ancaq klubdan əldə etdiyimiz məlumata görə, məsələ belə deyil. Belə ki, klub yalnız ana olmağa hazırlaşan xanım üçün bilet alıb. Juninyu isə vacib matçlar üçün Bakıda qalacaq.

Qeyd edək ki, "Qarabağ"ı növbəti ay UEFA Avropa Liqasının 1/8 final mərhələsi çərçivəsində Almaniyanın "Bayer" komandası ilə vacib matçlar gözləyir.