Azərbaycan Premyer Liqasında XXIV tura start verilib.

Prosport.Az xəbər verir ki, ilk oyun günündə 1 qarşılaşma keçirilib.

Açılış matçında “Kəpəz” Qəbələdə eyniadlı komanda ilə üz-üzə gəlib. Görüş Gəncə təmsilçisinin 2:1 hesablı qələbəsi ilə başa çatıb.

“Sarı-göylər”in heyətində qolları 19-cu dəqiqədə Georgi Papunaşvili və 66-cı dəqiqədə penaltidən Amil Yunanov vurub. “Qırmızı-qaralar”dan isə 43-cü dəqiqədə Osama Xalayla fərqlənib.

Bu qələbə ilə xallarını 23-ə çatdıran “Kəpəz” 9-cu pillədəki mövqeyini qoruyub. “Qəbələ” isə 15 xalla 10-cu sırada qərarlaşıb.

Qeyd edək ki, turun digər oyunları sabah və fevralın 25-də reallaşacaq.