"Qarabağ"ın 15 yaşadək komandası AFFA U-15 Liqasında növbəti qələbəsini qazanıb.

Prosport.Az-ın xəbərinə görə, XX turda "Qarabağ" "Səbail"i qəbul edib.

Vüqar Əsgərlinin baş məşqçisi olduğu komanda "Sərhədçi" İdman Mərkəzinin stadionu təmirdə olduğundan, ilk dəfə rəqibini köhnə "Neftçibaza"da (indiki Olimpiya Növləri üzrə Milli Komandalar üçün Təlim-Məşq Mərkəzi ) qəbul edib. Görüş 2:0 hesabı ilə başa çatıb. Qolları 59-cu dəqiqədə Murad İbrahimli və 60-cı dəqiqədə Polad Hüseynov vurub.

Xatırladaq ki, tərəflərin "ASCO Arena"da keçirilmiş ilk oyununda "Qarabağ" rəqibini 4:0 hesabı ilə darmadağın etmişdi.

Qeyd edək ki, "Qarabağ" hazırda 51 xalla turnir cədvəlinin lideridir.