"Qarabağ"ın UEFA Avropa Liqasındakı rəqibi olan Portuqaliyanın "Braqa" klubu Bakıya gəlib.

Prosport.Az-ın xəbərinə görə, 7 saatlıq uçuş vaxtı Braqa təmsilçisi təyyarədə vaxtını boş keçirməyib.

Klubun mətbuat xidməti səfər öncəsi bu uzun müddətdə təyyarədə futbolçuların nə edəcəyi ilə maraqlanıb. 

– 7 saatlıq uçuş vaxtı nə edəcəksiniz?

Bruma: "7 saat yox, 5,5 saat yol olmalıdır. Dəqiq yatmayacağam. Səyahət boyu oyaq qalacağam".

Abel Ruis: "Yatacağam. Ölənə qədər yatacağam".

Alvaro Calo: "Yatacağam. Yatmazdan öncə serial yükləmişəm, ona baxacağam".

Vitor Karvalyu: "Yatacağam. Amma "La Reyna del Sur" ("Cənubun kraliçası") serialına da baxacağam".

Viktor Qomes: "Fasiləsiz yatacağam".

Qeyd edək ki, "Qarabağ" Portuqaliyadakı ilk oyunda 4:2 hesabı ilə məğlub etdiyi "Braqa" ilə sabah cavab oyununa çıxacaq. Matç saat 21:45-də başlayacaq.