Portuqaliyanın “Braqa” komandasının UEFA Avropa Liqasının pley-off mərhələsində Bakıda “Qarabağ”a qarşı keçirəcəyi cavab oyunu üçün heyəti məlum olub.

Prosport.Az klubun rəsmi saytına istinadən xəbər verir ki, Braqa şəhərinin eyniadlı təmsilçisi Bakıya 23 futbolçu səfər edəcək. İlk oyunda zədə səbəbindən meydanda olmayan Brumanın adı siyahıya salınıb.

Komandanın kapitanı Rikardu Ortanın isə 2-ci görüşdə də iştirak etməyəcəyi dəqiqləşib.

Qapıçılar: Mateus, Tyaqu Sa, Lukaş Horniçek;

Müdafiəçilər: Sərdar Saatçı, Siku Niakate, Juze Fonte, Paulu Oliveyra, Co Mendeş, Fransişku Çissumba, Vitor Qomeş, Kristian Borxa;

Yarımmüdafiəçilər: Şer Ndur, Rodriqo Salasar, Vitor Karvalyu, Pizi, Juau Moutinyu, Cibril Sumare;

Hücumçular: Bruma, Abel Ruis, Alvaro Calo, Markuş Lopeş, Rojer Fernandeş, Simon Banza.

Qeyd edək ki, fevralın 22-də Tofiq Bəhramov adına Respublika Stadionunda keçiriləcək “Qarabağ” – “Braqa” oyunu saat 21:45-də başlayacaq. İlk matçda Ağdam təmsilçisi 4:2 hesablı qələbə qazanıb.