Vaxtilə Azərbaycanın adlı-sanlı futbolçularından biri olan, milli komandamızın şərəfini qoruyan, ölkə çempionatının bombardiri olmuş Fərid Quliyev hazırda çox ağır durumdadır.

Prosport.Az sportfm-ə istinadən xəbər verir ki, karyerasını bitirdikdən sonra ətrafına toplaşan murdar niyyətli "dostları" ilə pis vərdişlərə qoşulan Fəridin həyatı indi təhlükə altındadır.

Orqanizmini zəhərləyən aludəçiliyindən qurtula bilməyən 38 yaşlı sabiq bombardir hazırda Maştağada yerləşən reabilitasiya mərkəzində müalicə olunur.

Voleybol üzrə qadınlardan ibarət yığmamızın keçmiş üzvü Oksana Kiselyova ilə 2018-ci ildə ailə həyatı quran Fəridin keçirdiyi həyat tərzinə görə ailəsi də dağılıb.

Keçmiş komanda yoldaşlarının, veteran futbolçuların verdiyi məlumata görə, Fərid Quliyevin durumu gün keçdikcə ağırlaşır.

Ona daha müasir müalicələr tələb olunduğundan, digər çoxprofilli xəstəxanaya köçürülməlidir.