"Neftçi"nin sabiq prezidenti Orxan Hüseynzadə UEFA-dan növbəti dəfə təyinat alıb.

Prosport.Az AFFA-nın rəsmi saytına istinadən xəbər verir ki, o, Polşada "Leqiya" və Norveçin "Molde" komandaları arasında keçiriləcək Avropa Konfrans Liqasının pley-off mərhələsinin cavab oyununda UEFA nümayəndəsi olacaq.

Qeyd edək ki, qarşılaşma fevralın 22-də Polşanın paytaxtı Varşavada gerçəkləşəcək. İlk matçda Norveç klubu qələbə qazanıb – 3:2.

Xatırladaq ki, Orxan Hüseynzadə 2017-2018-ci illərdə "Neftçi"nin prezidenti olub.