Azərbaycan futbolunda oyun alqı-satqısı ilə bağlı məsələ gündəmdən düşmür.

Prosport.Az xəbər verir ki, daha bir klub bu məsələdə şübhəli bilinir. Söhbət "İrəvan"dan gedir. Qərbi Azərbaycan təmsilçisinin 7 üzvü dünən Dövlət Təhlükəsizlik (DTX) Xidmətinin əməkdaşları tərəfindən sorğu-sual edilib. Onlar Azərbaycan Kubokunun 1/8 finalında "Araz-Naxçıvan"la (2:8) oyunun nəticəsinə görə dindiriliblər.

Məlumatı Offsideplus.az-a açıqlamasında "İrəvan"ın prezidenti Zahid Niyazəliyev də təsdiqləyib:

"2 gün öncə futbolçuları bu məsələ ilə bağlı dindirilib. Oyunçular "Araz-Naxçıvan"la kubok matçına görə sorğu-sual edilib. Məsələ ilə bağlı araşdırma davam edir".