"Qarabağ"ın daha bir komandası Belarusun paytaxtı Minskdə keçiriləcək "Naşe Buduşşee" ("Bizim gələcəyimiz") adlı turnirdə mübarizə aparacaq.

Prosport.Az-ın xəbərinə görə, çempionatda "Sabah"dan sonra 2-ci pillədə olan Asif Əlizadənin baş məşqçisi olduğu U-14 komandası 18-21 mart tarixlərində sözügedən turnirdə mübarizə aparacaq.

Komandamızın potensial rəqibləri artıq bəllidir. Bunlar Rusiyanın "Rotor" (Moskva), "Baltika" (Kalininqrad), "Olimp" (Voloqda), "Pskov", "Zolotıye kupola" (Ryazan), "Strela" (Pskov), "Sokol", "Pribrejnı" (Omsk), "Leninqradets", SŞOR (Tver vilayəti), SŞOR-5 (Smolensk), Lavina (Sankt-Peterburq), Belarusun BATE (Borisov), "Dnepr" (Moqilyov) və Qazaxıstanın "Astana" komandalarıdır.

Qeyd edək ki, "Qarabağ"ın 15 yaşadək komandası 7-10 fevral tarixlərində bu turnirdə çıxış edərək 5-ci yeri tutub. Komandanın futbolçusu Əli Bəşirov turnirin ən yaxşı yarımmüdafiəçisi seçilib.