Bu gün Rumıniyanın Ployeşti şəhərində yeniyetmə və gənc boksçular arasında “Drakula” beynəlxalq turniri start götürəcək.

Azərbaycan Boks Federasiyasından Prosport.Az-a verilən məlumata görə, yarışda milli komandalarımız da mübarizə aparacaqlar.

Yeniyetmələrdən ibarət yığmanın baş məşqçisi Vaqif Kazımov və məşqçi Teymur Məmmədov yarışda Əli Məmmədov (46 kq), Zakir Həsənzadə (48 kq), İsmayıl Rzayev (50 kq), Bağır Əmirxanlı, Raul Heydərli (hər ikisi 52 kq), Sübhan Babayev (54 kq), Haqverdi Həsənov, Tamerlan Əlimzanov (hər ikisi 57 kq), Nurlan Abışov (60 kq), Kənan Aslanlı (63 kq), Valeh Eyvazlı (66 kq), Rza Rzayev (70 kq), İsmayıl Vəliyev (75 kq), Əmir Abbasov (80 kq) və Səftər Məmmədzadəni (+80 kq) sınayacaq.

Gənclərdən ibarət millinin baş məşqçisi Elbrus Rzayev və məşqçi Elvin Məmişzadənin rəhbərliyi altında isə Bilalhəbəşi Nəzərov (48 kq), Zidan Hümbətov (51 kq), Ömər Aslanlı, Tağı Nəsibov (hər ikisi 54 kq), Elbrus Kərimli (57 kq), Məhəmmədəli Qasımzadə (60 kq), Abbasqulu Şadlinski (67 kq) və Ziya Həsənov (71 kq) mübarizə aparacaq.

“Drakula” turnirində Azərbaycanı hakim kimi Qalib Əbiyev təmsil edəcək.

Qeyd edək ki, yarışın final döyüşləri fevralın 17-18-də olacaq. Yığma Vətənə ayın 19-da qayıdacaq.