I divizionun qalibi olaraq Premyer Liqaya vəsiqə qazanmış "Araz Naxçıvan" klubu məşqçilər heyətini gücləndirmək qərarı verib.

Prosport.Az-ın xəbərinə görə, daha 2 illik müqaviləsi olan Azər Bağırovla yollar davam ediləcək.

Onun məşqçilər korpusunun gücləndirilməsi üçün Bolqarıstandan fiziki hazırlıq üzrə mütəxəssis gətiriləcək. Artıq İliyan Mitrev adlı məşqçi ilə razılıq əldə olunub.

Qeyd edək ki, 27 yaşlı İliyan Mitrevin son çalışdığı klub Sofiya ÇSKA-sı olub. O, karyerasını erkən başa vurduğu futbolçu kimi sağ cinah müdafiəçisi qismində çıxış edib.

Səbuhi Musa