"Öncə hər iki komandanı gözəl oyun münasibətilə təbrik etmək istəyirəm. Həqiqətən çox maraqlı və gərgin oyun alındı".

Prosport.Az xəbər verir ki, bu sözləri "Neftçi"nin baş məşqçisi Anar Sarıyev Azərbaycan Basketbol Liqasının XIV turunda "Sabah"a 101:87 hesabı ilə qalib gəldikləri oyundan sonra deyib.

Qələbəni şərh edən mütəxəssis komandasını xüsusilə təbrik edib: "Uşaqlar əvvəldən axıra kimi inamla  mübarizə apardılar. Qarşımızda "Sabah" kimi güclü  komanda var idi, ancaq buna baxmayaraq, layiqli qələbə qazandıq".

O, komandada bu ruh yüksəkliyinin davam edəcəyini və oyunçuların axıra kimi bu cür mübarizə aparmağı bacaracağına inandığını söyləyib: "Bir  daha oyunçularımı əldə olunan qələbə münasibətilə ürəkdən təbrik edirəm".