“Qarabağ”ın 15 yaşadək futbolçulardan ibarət komandası Belarusda keçirilən beynəlxalq turnirdə mübarizəyə başlayıb.

Prosport.Az xəbər verir ki, Vüqar Əsgərlinin baş məşqçisi olduğu U-15 Minskdə təşkil olunan “Bizim gələcəyimiz” turnirinin ilk turunda Rusiya “Zvezda”sı ilə görüşüb.

B qrupunda yer alan komandamız bu qarşılaşmada 2:0 hesabı ilə qalib gəlib. 10-cu dəqiqədə Əli Bəşirov hesabı açıb. Bu qoldan 4 dəqiqə sonra komandanın qapıçısı, "Qarabağ" Akademiyasının koordinatoru Aftandil Hacıyevin oğlu Bilal Hacıyev penaltini dəf edərək rəqibin hesaba tarazlıq gətirməsinə imkan verməyib. Murad İbrahimovun 22-ci dəqiqədə fərqlənməsi ilə “Qarabağ”ın üstünlüyü 2 topa çatıb.

Qrupun digər matçında "Zvezda" "Olimpik"lə 1:1 oynayıb. BATE isə "Olimpik"lə oyunda 0:1 geridə olsa da, geridönüş edərək 3:1 qalib gəlməyi bacarıb. Hazırda rusiyalı rəqiblərindən fərqli olaraq, 1 oyun az keçirmiş BATE və "Qarabağ" 3 xala malikdir. 

Qeyd edək ki, komandamız qrupdakı digər 2 matçını sabah keçirəcək. “Qarabağ” öncə “Olimpik”lə, ardınca BATE ilə qarşılaşacaq.