“Qarabağ”ın 15 yaşadək futbolçulardan ibarət komandası Belarusa yollanıb.

Prosport.Az xəbər verir ki, Vüqar Əsgərlinin baş məşqçisi olduğu kollektiv Minskdə təşkil olunacaq “Bizim gələcəyimiz” adlı beynəlxalq turnirdə iştirak edəcək.

Fevralın 7-10-da keçiriləcək yarışda 16 komanda mübarizə aparacaq. "Qarabağ" B qrupunda BATE, "Olimpik" və "Zvezda" ilə üz-üzə gələcək.

Ağdam təmsilçisi fevralın 7-də “Zvezda” klubunu sınağa çəkəcək. 1 gün sonra isə 2 görüşə çıxacaq "köhlən atlar" öncə “Olimpik”lə, ardınca BATE ilə qarşılaşacaq. Hər qrupdan iki ən yaxşı kollektiv 1/4 finala adlayacaq.