"Qarabağ"ın oyunlarında ilk dəfə drondan istifadə olunmağa başlayıb.

Prosport.Az-ın xəbərinə görə, ilk dəfə bu üsuldan "Qarabağ"ın 15 yaşadək komandasının AFFA U-15 Liqasında "Kəpəz"ə qalib gəldiyi 7:0 hesablı qələbə zamanı istifadə olunub.

Dron çəkilişlərini yeni baş məşqçi Vüqar Əsgərlinin "Şamaxı" klubundan özü ilə komandaya cəlb etdiyi İlqar Novruzov həyata keçirir. Novruzovun sözlərinə görə, "Qarabağ"ın ev oyunlarını keçirdiyi "Sərhədçi" İdman Mərkəzi və Azadlıq prospektində yerləşən köhnə "Neftçi" baza"da dron çəkilişləri aparmaq üçün icazə alınıb.