I divizionun qalibi olaraq Premyer Liqaya vəsiqə qazanan "Araz Naxçıvan" klubunda Müşahidə Şurası yaradılacaq.

Bu barədə Prosport.Az-a Naxçıvan Futbol Federasiyasının və "Araz Naxçıvan"ın İdarə Heyətinin sədri Vüqar Abbasov bildirib.

Onun sözlərinə görə, Müşahidə Şurasının tərkibi 5 nəfərdən ibarət olacaq (geniş müsahibə bu gün saytımızda işıq üzü görəcək – red.): "Biz burada Müşahidə Şurası yaratmağı nəzərdə tutmuşuq. Müşahidə Şurasının üzvləri sırasına sponsorları da cəlb etməyi düşünmüşük. Böyük ehtimalla, bu, 5 nəfərdən ibarət olacaq. Müşahidə Şurasının say tərkibi mənim şirkətimdə də belədir".

Qeyd edək ki, klubun prezidenti isə Vüqar Abbasovun oğlu Ağazakir Abbasovdur. Vitse-prezident vəzifələri isə boşdur. Yaxın günlərdə bu vəzifələrə də təyinatın olacağı gözlənilir.

Səbuhi Musa