"Neftçi"nin kapitanı Emin Mahmudov yeni müqavilə təklifindən imtina edərək, Cənubi Koreya klubu ilə razılığa gəlib.

Prosport.Az xəbər verir ki, Mahmudov karyerasını "Tecon Sitizen" klubunda davam etdirəcək.

Hansı ki həmin klubda millimizin digər üzvü Anton Krivotsyuk çıxış edir. Çox güman ki, Mahmudovu bu kluba məhz Krivotsyuk məsləhət görüb.

Bəllidir ki, Mahmudov "Neftçi"nin təklifinə "yox" deyib. Ağ-qaralar kapitana illik 350 min dollarlıq müqavilə təklif etsələr də, Asiyada Eminin qazancı daha çox olacaq. Belə ki, "Tecon Sitizen"də futbolçu ilinə 750 min dollar qazanacaq. Müqavilə müddəti 2,5 il təşkil edəcək.

Xatırladaq ki, bundan əvvəl millimizin hücumçusu Ramil Şeydayev Asiya qitəsinin sayılıb-seçilən klublarından olan "Buriram Yunayted" (Tayland) ilə anlaşıb (football.az).