Şarjada (BƏƏ) keçirilən "Masters" şahmat turnirinin yeddinci turunda Azərbaycan derbisi baş tutub.

Prosport.az xəbər verir ki, Aydın Süleymanlı və Nicat Abasov arasında oyun heç-heçə başa çatıb. Bu nəticədən sonra hər iki şahmatçı hərəyə 4 xala sahibdir.

Əlavə əmsallara görə Süleymanlı 19-cu, Abasov isə 34-cü yerdədir.

Məhəmməd Muradlı S.Narayana (Hindistan) məğlub olub və 3 xalla 59-cu pillədə qərarlaşıb.

Misrətdin İsgəndərov isə Luk Van Forestlə (Hollandiya) heç-heçə oynayıb. O, hazırda 1,5 xalla sondan əvvəlki yeri tutur. 

Lider 5 xala malik Samuel Sevyandır (ABŞ).

Qeyd edək ki, İsveçrə sistemi üzrə keçirilən turnir 9 turdan ibarətdir.