Cari mövsüm "Qarabağ" komandası Azərbaycan Premyer Liqasında qış fasiləsinə yenə lider kimi yollandı. Mövsümün əvvəlində gözlənilməz 3 məğlubiyyət qeydə alınsa da, daha sonra komanda toparlandı və qələbələri sıralayaraq lider "Zirə"ni taxtdan endirdi. Hazırda Qurban Qurbanovun yetirmələri 41 xalla liderdir və ən yaxın komanda olan "Zirə"ni 12 xal qabaqlayır.

"Qarabağ"ın Akademiyasında da inkişaf hiss olunur. Əbəs yerə deyil ki, klub prezidenti Tahir Gözəl açıqlamalarında bu il Akademiyaya çox böyük diqqət ayırdıqlarını və Akademiya üçün baza axtarışında olduqlarını bildirib.

Bəs "Qarabağ"ın aşağı yaş qruplarından ibarət komandalarında vəziyyət necədir? Prosport.Az bunu araşdırıb.

Əvəzedicilərin çempionatı: 27 xalla 5-ci
AFFA Gənclər Liqası (U-19): 19 xalla 6-cı
AFFA U-17 Liqası: 38 xalla 2-ci
AFFA U-16 Liqası: 22 xalla 6-cı
AFFA U-15 Liqası: 45 xalla 1-ci
AFFA U-14 Liqası: 28 xalla 2-ci (Bakı zonası üzrə)
AFFA U-13 Liqası: 36 xalla 1-ci (Bakı zonası üzrə)

Qeyd edək ki, AFFA U-12, U-11, U-10, U-9 və U-8 liqalarında turnir cədvəli olmur.