"Karapapak Fight Club&Promotion" və "Musa Paşam Promotion"un birgə təşkilatçılığı ilə Heydər Əliyevin 100 illik yubileyinə həsr olunmuş beynəlxalq boks turniri keçirilib.

Prosport.Az xəbər verir ki, turnirə "Karapapak Fight Club&Promotion"ın prezidenti Aqil Acalovun H.Əliyevin idman siyasəti və müstəqil Azərbaycanın formalaşmasındakı rolundan bəhs edən açılış nitqi ilə start verilib.

Turnirdə ümumilikdə 6 peşəkar döyüş keçirilib. Rusiya, Qazaxıstan və Azərbaycan idmançılarının öz güclərini sınadığı turnirin yekun nəticələri aşağıdakı kimi olub:

76 kq çəki dərəcəsində Azərbaycan boksçuları Cəmil Fərzəliyev və Elvin Qənbərov arasında döyüşdə 2-ci idmançı texniki nokautla qələbə qazanıb;

76 kq çəki dərəcəsində Qazaxıstan boksçusu Yerbolat Zeynulla və Azərbaycan boksçusu İlham Hüseynli arasında döyüş qonaq idmançının xal hesabı ilə qələbəsilə ilə başa çatıb;

59,8 kq çəki dərəcəsində Azərbaycanı təmsil edən Ramazan Babayev və Rauf Ağayev arasında döyüş heç-heçə ilə nəticələnib;

66,7 kq çəki dərəcəsində Qazaxıstan təmsilçisi Dilşad Nurum və azərbaycanlı Ağacan Dərgahov arasında döyüş 2-ci idmançının 2-ci raundda döyüşü davam etməkdən imtina etməsi və qonaq boksçunun qələbəsi ilə nəticələnib;

79 kq çəki dərəcəsində Azərbaycan idmançıları İsmət Eynullayev və Məhəmməd Quliyev arasında döyüş 1-cinin xal hesabı ilə qələbəsi ilə nəticələnib;

79 kq çəki dərəcəsində Rusiyanı təmsil edən Məhəmməd Rəsulov və Azərbaycanı təmsil edən Cabbar İsmayılov arasında döyüş hakimlərin fərqli qərarı ilə dağıstanlı idmançının xal hesabı qələbəsi ilə nəticələnib.