"Qarabağ"ın 15 yaşadək komandası AFFA U-15 liqasında bu dəfə "Neftçi"ni darmadağın edib.

Prosport.Az-ın xəbərinə görə, Rakif Əliyevin baş məşqçi olduğu komanda ötən tur "Sumqayıt"a 1:3 uduzaraq qələbə seriyasını davam etdirə bilməsə də, son turda – XVI turda bunun əvəzini artıqlaması ilə çıxıb.

I turdan təxirə salınmış və oktyabrda keçirilmiş ilk görüşdə "Neftçi"yə 3:2 qalib gəlmiş "Qarabağ" bu dəfə öz meydanında Bakı komandasını 4:0 hesabı ilə məğlub edib. "Köhlən atlar"dan Uğur Qurbanlı və Onur Əliyev dubl edib.

Qeyd edək ki, "Qarabağ" hazırda 15 tura 42 xalla liderdir. Bu komandanın ən yaxın izləyicisi "Sabah" 40 xalla 2-cidir.