Ramil Şeydayev “Qarabağ”dan ayrılacaq.

Prosport.Az xəbər verir ki, Ağdam klubunun rəhbərliyi onunla mövsümün sonunda anlaşa biləcəyinə ümid etsə də, müzakirələrdən imtina edən hücumçu qərarını verib.

Daha yaxşı yeni müqavilə şərtlərindən boyun qaçıran millimizin üzvü legioner həyatı yaşayacaq. Onun avrokuboklardakı yaxşı oyunu, üstəlik hazırda Premyer Liqanın bombardiri olması müştərilərinin diqqətini çəkib. Bu üzdən 27 yaşlı oyunçuya yaxşı müqavilə təklif edilib.

Şeydayevin ilinə təqribən 1 milyon avro qazanacağı klub seçdiyi deyilir. Hazırda müqavilənin müddəti və digər detallar dəqiqləşdirilir.

Ramilə Avropada bu qədər maaş verəcək komanda yoxdur. Karyerasında yüksəlişi yox, yaxşı pul qazanmağı düşünən hücumçu Asiya ölkələrindən birinə gedəcək. Şeydayevin ərəb ölkələrindən birinə yollanacağı deyilir (futbolinfo).