"Sabah" və "Beşiktaş" komandaları arasında Tofiq Bəhramov adına Respublika stadionunda keçirilən xeyriyyə matçı 3:3 hesabı ilə başa çatıb.

Prosport.Az xəbər verir ki, oyundan sonra "Beşiktaş"ın baş məşqçisi Şenol Günəş bu fikirləri söyləyib: 

"Dostluq matçı üçün Bakıya gəlmişik. "Sabah" klubuna və Azərbaycan xalqına təşəkkür edirik. Burada olduğumuz üçün çox xoşbəxtik. Bütün oyunçulara şans vermək istədik. Burada səmimi münasibət gördük. Belə azarkeşlərə gözəl futbol izlətmək istəyirdik. Biz buraya yardım məqsədi ilə gəlmişik. Belə qarşılaşmaların davamı gəlməlidir. Daha əvvəl verdiyimiz sözü bu gün həyata keçirə bildik. Azərbaycanın bütün komandalarına uğurlar arzulayıram.

"Dostluq matçı idi və bu cür də bitdi. Hər 2 komanda açıq futbol oynadı. İstiqlal marşı oxunanda da 1 millət olduğumuzu gördük. "Qarabağ" avrokuboklarda sözünü demiş komandadır. İnşallah, "Sabah" da bu mövsüm eyni uğurla çıxış edər. Düzdür, burda 3-cü matçdir ki, qələbə qazana bilmirik. Amma bu matç rəsmi deyildi. Burda məqsəd qələbə qazanmaq deyildi. İlk 5 dəqiqədə 2 qol buraxdıq? Bu, futboldur, belə şeylər olur"".

Şenol Güneş futbolçu Onur Bulutun görüşün sonlarında halının pisləşdiyini və onun xəstəxanada müayinə olunacağını bildirib. O, "Beşiktaş"ın Azərbaycanda çoxlu azarkeşinin olmasına sevindiyini deyib.