"Qarabağ"ın 15 yaşadək komandası AFFA U-15 Liqasında ardıcıl 7-ci qələbəsini qazanıb.

Prosport.Az-ın xəbərinə görə, bu dəfə Rakif Əliyevin yetirmələri Bakıxanov qəsəbəsində "Neftçi" PFK-nın qonağı olub.

I turdan təxirə salınan görüş olan bu matçda "Qarabağ" çətinliklə də olsa, güclü rəqibinə qalib gəlməyi bacarıb – 3:2. Baxmayaraq ki, "Neftçi" hesabda 2 dəfə öndə olub, hər 2 halda onların sevinci qısa çəkib və "Qarabağ" hesabı bərabərləşdirib.

Meydan sahiblərindən qolları Rahib Əhmədzadə (5) və Amil İbişov (62), qonaqlardan isə Polad Hüseynov (8, 64) və Amin Rzayev (66) vurub.

Qeyd edək ki, "Qarabağ" 21 xalla turnir cədvəlinə liderlik edir. 1 oyun az keçirmiş "Sabah"ın isə 18 xalı var.