"Qarabağ"ın 15 yaşadək komandası AFFA U-15 Liqasında ardıcıl 6-cı qələbəsini qazanıb.

Prosport.Az-ın məlumatına görə, Rakif Əliyevin yetirmələri bu dəfə səfərdə qələbəyə sevinib.

Ağdam təmsilçisi Milli Aviasiya Akademiyasının stadionunda "European Football Academy" (EFA) komandasının qonağı olub. Görüşdə 11 qol vurulub.

Maraqlıdır ki, öncə meydan sahibləri Abbas Zeynalov (7) və Ramal Həsənlinin (12) qolları ilə hesabda öndə olub. Bundan sonra özünə gələn "Qarabağ" rəqibinə rəhm etməyib və 9 qol vurub. Riad Qaradağlı (15, 44), Əli Bəşirov (39, 59), Murad Quluzadə (40, 53) dubl edib, Hüseyn Bayramov (22), Polad Hüseynov (35) və Adəm Qafarov (62) hərəyə 1 qol vurub.

Qeyd edək ki, "Qarabağ" hazırda 18 xalla turnir cədvəlinə başçılıq edir.