"Bu matçda qələbə qazanmaq istəyirik".

Prosport.Az xəbər verir ki, bunu Azərbaycan millisinin kapitanı Emin Mahmudov səfərdə Estoniya yığmasına qarşı keçirəcəkləri AÇ-2024-ün seçmə mərhələsinin oyunundan əvvəl mətbuat konfransında deyib.

31 yaşlı yarımmüdafiəçi vacib qarşılaşmaya çıxacaqlarını bildirib: 

"Yaxşı nəticə ilə evə qayıtmaq niyyətindəyik. Burada olanda yalnız milli haqqında düşünürəm və xeyir vermək istəyirəm. Vacib gün olacaq. Digər görüşlər ağır keçsə də, maksimum gücümüzü göstərməliyik. Qələbə qazanmaq üçün əlimizdən gələni edəcəyik".

Qeyd edək ki, bu gün Tallində reallaşacaq Estoniya - Azərbaycan görüşü Bakı vaxtı ilə saat 20:00-da başlayacaq.