“Seçmə mərhələnin qarşıdakı turlarında Belçika, Azərbaycan və Estoniyanı məğlub etməliyik”. 

Prosport.Az xəbər verir ki, bunu İsveç millisinin futbolçusu Matias Svanbery AÇ-2024-ün seçmə mərhələsində keçirəcəkləri oyunlar barədə danışarkən deyib.

"Volfsburq"un 24 yaşlı yarımmüdafiəçisi final mərhələsinə vəsiqə şanslarının az olmasına baxmayaraq, hələ də ümidini itirmir: “Seçmə mərhələnin sonuna hələ 3 oyun qalır. Hazırda yalnız həmin qarşılaşmalarda qələbə qazanmaq barədə düşünürük. Avropa çempionatı kimi böyük turnirlərdə iştirak etmək istəyirik. Bunun üçün hər şeyi edəcəyik”.

Qeyd edək ki, oktyabrın 16-da Belçikanın qonağı olacaq İsveç yığması noyabrın 16-da Azərbaycanla səfərdə, 19-da isə Estoniya ilə evdə qarşılaşacaq.