"Qarabağ"ın 15 yaşadək komandası AFFA U-15 Liqasının turnir cədvəlində liderliyini möhkəmlədib.

Prosport.Az-ın xəbərinə görə, Rakif Əliyevin baş məşqçisi olduğu komanda "Sərhədçi" İdman Mərkəzində "Turan Tovuz"la qarşılaşıb.

Görüş "Qarabağ"ın 4:3 hesablı qələbəsi ilə başa çatıb. Görüşdə Tovuz komandası 2 dəfə hesabda öndə olsa da, "Qarabağ" tarazlığı bərpa etməyi bacarıb. Tovuzlular 80+1-ci dəqiqədə mübahisəli cərimə zərbəsindən sonra hesabı bərabərləşdirməyi bacarsa da, son dəqiqədə "Qarabağ" qələbə qolunu vurmaqla 3 xalı qazana bilib.

"Qarabağ"dan Murad Quluzadə (2), Polad Hüseynov (56), Əli Bəşirov (76) və Adəm Qafarov (80+2) fərqlənib. "Turan Tovuz"dan isə Kənan İsmayılov (2), Allahyar Abdullazadə (54) və Heydər Abadov (80+1) "Qarabağ"ın qapıçısı Əli Zeynalzadəni məyus edib.

Beləliklə, "Qarabağ" 15 xalla maksimum nəticə göstərib: 5 oyuna 5 qələbə. 2-ci sıradakı "Sabah" da eyni sayda xallar toplayıb. Sadəcə, top fərqində Ağdam təmsilçisi Abşeron komandasından daha yaxşı göstəriciyə malikdir.