"Neftçi"nin futbolçusu Kilan Lebon Sent Martin millisindən dəvət alıb.

Prosport.Az xəbər verir ki, 26 yaşlı yarımmüdafiəçi oktyabrın 9-dan 17-dək, noyabrın 13-dən 21-dək keçiriləcək KONKAKAF Millətlər Liqasının oyunları üçün çağırılıb.

Qeyd edək ki, Kilan Lebon Sent Martin yığmasının heyətində 2 oyunda meydana çıxıb. Fransadan asılı olan Karib hövzəsində yerləşən bu ada ölkəsi FIFA-ya üzv olmasa da, KONKAKAF-a üzv olduğundan, bu qurumun yarışlarında iştirak edə bilir.