"Hekken"ə qarşı pis hazırlıq keçməmişik. Yaxşı rəqibə qarşı oynayacağıq. Bu komandanın öz oyun üslubu var. Hələ oyuna 2 gün vaxtımız var. Oyunçularımıza bu müddətdə rəqib haqqında daha da ətraflı məlumat verəcəyik".

Bunu Prosport.Az saytına "Qarabağ"ın baş məşqçisi Qurban Qurbanov deyib.

"Qarabağ"ın baş məşqçisi İsveçə yollanmazdan öncə verdiyi açıqlamada "Bayer"ə 0:4 uduzmalarına baxmayaraq, "Hekken"ə qrupun autsayderi kimi baxmadığını bildirib: "Məndə belə bir fikir formalaşmayıb. Çünki səfərdə "Bayer"ə qarşı oynayırdılar. Ümumiyyətlə, bəzən qrupda belə hallar olur. Bəzən ilk matçda uduzan komanda sonra daha yaxşı nəticə əldə edir. Bu komanda da bunu etməyi bacarır".

Qurban Qurbanov heyətlə bağlı problemlərdən də danışıb: "Heyətlə bağlı problemlərimiz var. Bildiyiniz kimi, Bəhlul Mustafazadə və Marko Veşoviç zədəlidir. Redon Cica komanda ilə məşqlərə başlasa da, hələ oynamaq üçün tam hazır vəziyyətdə deyil. 1-2 mikrozədəsi olan oyunçu da var. Qarşıdakı oyun öncəsi, inşallah, qaydasına düşməlidirlər".

Qeyd edək ki, matç oktyabrın 5-də Bakı vaxtı ilə saat 23:00-da başlayacaq.