"Sabah" Azərbaycan Premyer Liqasının VIII turunda səfərdə "Səbail"lə 2:2 hesablı heç-heçə edib.
Prosport.Az xəbər verir ki, Masazır təmsilçisinin baş məşqçisi Murad Musayev matçdan sonra keçirilən mətbuat konfransında jurnalistlərin suallarını cavablandırıb:
– Ağır oyun oldu, çətin meydança idi. Yəqin ki, heç-heçə ədalətli nəticədir. Son oyunlarda buraxdığımız səhvlərdən sonra qalib gəlmək çətindir. Qələbə qazanmağı çox istəyirdik. Neçə oyundur ki, standard vəziyyətlərdən qollar buraxırıq. Çox şərh vermək istəmirəm. Təəssüf ki, belə alındı.
– Ceyhun Nuriyev və Nicat Mehbalıyev əvəzedici heyətə göndərilib. Məlumatımıza görə, siz yox, rəhbərlik onları göndərib. Futbolçular oynamaq istəyirlər, rəhbərlik isə əvəzedici heyətə göndərir. Bu haqda nə deyə bilərsiniz? Eldar Ələbkərovu da heyətdə görmədik...
– Heyətə 23 futbolçunun adını qeyd etmək olur. 24-25 oyunçunu siyahıya daxil edə bilmərik. Ceyhun və Nicata gəlincə, mənim icazəmlə olan məsələdir. Siz klubun rəhbərisiniz, uşaqları yetişdirirsiniz, avrokuboklarda oynayırlar, milliyə düşürlər. Ona deyirsiniz ki, müqavilənin müddətini artır və "Turan Tovuz"a icarəyə get. Müqavilənin müddətini uzatmırlar. Amma sən onun yetişməsində nə qədər iş görmüsən. "Turan Tovuz" onu gözləyirdi. Get oyna, daha sonra gəl, əsas heyət uğrunda mübarizə apar. Nicatla da eyni vəziyyət idi, o da dedi ki, müqaviləni artırmaq istəmirəm. Bu mənada da futbolçular kluba hörmət etməlidir.
– Sabah eyni vəziyyət özünüzlə bağlı yaransa, necə olacaq? Məsələn, "Mançester Yunayted" sizi istəsə, necə yanaşacaqsınız?
– Müsbət.
– "Qara zolaq"dan çıxmaq üçün nə çatmır?
– Yəqin ki, 1 qələbə çatışmır. 2 ildə etmədiyimiz səhvləri edirik, qollar buraxırıq. Bu da gücümüzü alır. Uşaqlar məşq edir, məşqlər yaxşı gedir, atmosfer normaldır. Sadəcə, çox kobud səhvlərə yol veririk. Futbolçularda da əsəbilik var.
– İshak Belfodil bu gün məhsuldar ötürmə verdi. Qarşıdakı oyunlarda ona daha çox şans verəcəksiniz?
– Nə qədər hazır olduğunu bilmək lazımdır. Tam hazır deyil. İlk dəqiqələrdən oynaması üçün şansı azdır. Bizimlə 3 həftədir ki, məşq edir. Start heyətində başlaması üçün şansı çox deyil.
– Səbail"in ləğv edilmiş qolu var idi. Sizin reaksiyanız necə oldu?
– Ofsayd var idi. Mənim kiçik televizorum var. Baxdım ki, ofsayddır. Amma VAR-da oturanlar var. Görünürdü ki, forvard qapıya daha yaxın idi... "Kəpəz"lə bağlı sözlərimə əlavə etmək istəyirəm. Mən "Kəpəz" haqda pis söz deməmişəm. Biz niyə oynayırıq? Əksəriyyət klublar avrokuboklar üçün oynayır. 10-cu dəqiqədən vaxt aparsaq, necə olacaq? "Kəpəz" yaxşı komandadır, yaxşı oynayır. Demək istəyirəm ki, gəlin oynayaq. Onsuz da Avropaya çıxanda fərqli olacaq. Amma biz burada 90 dəqiqənin 30 dəqiqəsini oynayırıq. İndidən özümüzü hazırlamalıyıq. "Kəpəz" yaxşı işlər görür. Amma bizimlə oyunda etmək istəmədi. "Kəpəz"in baş məşqçisi yaxşı mütəxəssisdir, komandası yaxşıdır. Amma gəlin, futbol oynayaq. Niyə vaxt aparırıq? Futbolçu vaxt aparanda temp olmur. "Kəpəz"ə uğurlar arzu edirəm. Onlar haqda pis söz deməmişəm. Komandama deyim ki, qol vuraq, 90 dəqiqə uzanaq? Deyərəm ki, gəlin 2-ci qolu vuraq.
– Bəs siz "Real" və "Barselona" ilə oynasanız, onda belə olmazdı?
– Taktiki hiyləgərlik var. Həkimi çağırmaq olar. Amma bu, 88-ci dəqiqədən sonra olar, 10-cu dəqiqədən yox da. Mən belə etməzdim. "Krasnodar"la "Sevilya"ya qarşı oynamışam. Onlar UEFA Avropa Liqasın qalibi olmuşdular. 2:0 qalib gəlirdik, 3-cünü vurmaq istəyirdik. Vaxt aparmırdıq. Sizə söz verirəm ki, belə edərdim. Mənim üçün futbol emosiyadır. 2 məşqçi var, kimsə uduzmaq istəmir, kimsə qalib gəlmək istəyir. "Kəpəz" oynaya bilir, onlar "Qarabağ"a qarşı yaxşı oynamışdı. Mən həmkarlarıma toxunmuram. Heç bir məşqçinin xətrinə dəymək istəmirəm.