"Turan Tovuz" Azərbaycan Premyer Liqasının Vlll turunda doğma meydanda "Neftçi"yə 0:1 hesabı ilə məğlub olub.

Prosport.Az xəbər verir ki, matçdan sonra keçirilən mətbuat konfransında qərb bölgəsi təmsilçisinin baş məşqçisi Ayxan Abbasov jurnalistrlərin suallarını cavablandırıb:

– Çətin oyun idi. "Neftçi"nin oyundan-oyuna daha yaxşı olduğunu görürük. Son matçlarda aqressivdirlər. İlk hissədə onların təzyiqinin qarşısında tab gətirə bilmirdik. 2-ci hissədə şanslarımız oldu. 1 qol vursaydıq, oyun bitə bilərdi. Çempionatın ən gərgin dövrüdür. Səhvlərimizdən nəticə çıxarmalıyıq.

– Komanda Tovuzda qələbə qazana bilmir. Bunun psixoloji səbəbləri var?
– Statistika onu deyir. İstəməzdik ki, belə olsun. Amma gerçəklik budur. İnanıram ki, bunu aradan qaldıracağıq. Bizim burada yaxşı oyunlarımız, qələbələrimiz olub. Sadəcə, bu il belə başladı. Bəlkə də bu gün bərabərlik bizim üçün motivasiya baxımından daha yaxşı olardı.

– Martin Petkovun start heyətdə yer almamasının səbəbi nə idi?
– Dəyişikliklər olacaq. Rəqibə görə edirik. Paşu məşqlərdə yaxşıdır. Onun da oynaması vacibdir. Petkov da yaxşı formadadır. 

– Denis Marandiçin oyununda eniş hiss olunur. Bunun səbəbi nədir?
– Ötən il də belə olmuşdu. Milli komandada 2 oyunda əsas heyətdə yer aldı. Yorğunluq hiss olunur. Ona görə 2-ci hissədə onu dəyişdik. Eniş olması normaldır.