Millimizin futbolçusu Renat Dadaşovun çıxış etdiyi "Hatayspor" Super Liqada növbəti oyununa çıxıb.

Prosport.Az xəbər verir ki, Volkan Dəmirelin çalışdırdığı komanda "Trabzonspor"u qəbul edib. Qonaqlar 2:0 hesabı ilə önə keçsə də, "Hatayspor" əzmkar qələbə qazanıb – 3:2.

Millimizin hücumçusu matçın 84-cü dəqiqəsində konqolu yarımmüdafiəçi Massanqa Matondonun yerinə meydana daxil olub. O, 88-ci dəqiqədə kamerunlu hücumçu Didye Lamkel Zenin vurduğu qolda əsas pay sahiblərindən biri olub. Dadaşov 90-cı dəqiqədə sarı vərəqə alıb. "Hatayspor" isə qələbə qolunu 90+7-ci dəqiqədə vurub.

Bu nəticədən sonra "Hatayspor" 10 xalla 4-cü pilləyə yüksəlib. "Trabzonspor" isə 9 xalla 6-cı sırada qərarlaşıb.