Türkiyə Super Liqasında VI turun oyunları davam edir.

Prosport.Az xəbər verir ki, millimizin qapıçısı Şahruddin Məhəmmədəliyevin formasını geyindiyi "Adana Dəmirspor" səfərdə "Kasımpaşa"nın qonağı olub. Qarşılaşma meydan sahiblərinin 2:1 hesablı qələbəsi ilə başa çatıb.

Şahruddin Məhəmmədəliyev də bu görüşün iştirakçısı olub. 29 yaşlı qolkiper əsas qapıçı Ertaç Özbir qırmızı vərəqə gördüyü üçün 23-cü dəqiqədə meydana daxil olub. Dağıstan əsilli qapıçı debüt matçında 25-ci dəqiqədə cərimə zərbəsindən və 51-ci dəqiqədə penaltidən Aytac Karanın qollarına mane ola bilməyib. O, 40-cı dəqiqədə 1 seyvlə yadda qalıb.

Qeyd edək ki, 5 oyun keçirən "Adana Demirspor" 8 xalla turnir cədvəlinin 9-cu pilləsində qərarlaşıb.