"Araz-Naxçıvan" Azərbaycan Premyer Liqasının VII turunda səfərdə "Səbail"ə 0:1 hesabı ilə məğlub olub. 

Prosport.Az xəbər verir ki, matçdan sonra keçirilən mətbuat konfransında Muxtar Respublika təmsilçisinin baş məşqçisi Azər Bağırov jurnalistlərin suallarını cavablandırıb:

– Oyunu izləyənlər gördülər ki, komandamız çox yaxşı futbol oynadı. Nəticəni bu gün qazana bilmədik. Amma heç bir halda heyfsilənmək lazım deyil. Vəziyyəti real təhlil edib sabaha baxmaq lazımdır. Futbolçularımın yanındayam. Sevinirəm ki, bu gün çoxlu qol epizodu yarada bildik.

– Nəticədən başqa nədən narazı qaldınız?
– Bəzi epizodlarda tələsirdik. Əsasən də orta xətdə. Bu da futbolçuların təcrübəsizliyindəndir. Matça 5 yerli oyunçu ilə başladıq. Elə futbolçulardır ki, çoxdandır Premyer Liqada oynamırlar. Bu gün inadkarlıqları ilə seçilirlər, baş məşqçinin dediyini edirlər. İnanıram ki, bir az da üstünə qoyacaqlar.