"Bakıya səfərimiz çox yaxşı alındı. Hansısa yorğunluq hiss etdiyimizi deyə bilmərəm".

Prosport.Az xəbər verir ki, bu sözləri "Molde"nin futbolçusu Emil Brayvik "Qarabağ"a qarşı keçirəcəkləri UEFA Avropa Liqasının qrup mərhələsinin ilk matçı öncəsi təşkil olunmuş mətbuat konfransında bildirib.

23 yaşlı futbolçu "Qarabağ"ın heyətində diqqətlərini çəkən oyunçunun adını da söyləyib: "2020-ci ildə Kiprdə "Qarabağ"a qarşı keçirilmiş oyundan xatırladığım futbolçu Kevin Medinadır. Yaxşı futbolçudur. Bir də "Qarabağ"ın matçını təhlil etmişik. 8 nömrəli futbolçu (Marko Yankoviçi nəzərdə tutur – red.) xüsusi vurğulaya bilərəm. Yaxşı keyfiyyətlərə malik futbolçdur".

Qeyd edək ki, sabah Tofiq Bəhramov adına Respublika stadionunda keçiriləcək "Qarabağ" – "Molde" görüşünə saat 20:45-də start veriləcək.