“Qarabağ” – “Molde” (Norveç) oyununa 19 min bilet satılıb.

Prosport.Az xəbər verir ki, bu barədə "Qarabağ"ın rəsmi səhifəsi məlumat yayıb.

UEFA Avropa Liqasının qrup mərhələsində keçiriləcək “Qarabağ” – “Molde” (Norveç) oyununa bilet satışı davam edir.

Tofiq Bəhramov adına Respublika stadionunda keçiriləcək matçın biletlərinin qiyməti müvafiq olaraq 5, 20, 40 və 100 manat təşkil edir.

VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlərimiz üçün biletlərin qiyməti isə 200 manatdır.

Bilet üçün satış məntəqələri aşağıdakılardır:

Iticket.az-ın satış məntəqələri (iticket.az-da onlayn satış);

Park Bulvardakı “Qarabağ” FK-nın Fan-Şopu;

Tofiq Bəhramov adına Respublika stadionunun kassaları;

"Qarabağ"ın yeni satış məntəqəsi olan "Changan Azerbaijan"da isə VVIP, VIP və CAT 1 biletlər satılır.

Qeyd edək ki, "Qarabağ" – "Molde" oyunu sabah saat 20:45-də başlayacaq.