Dortmund “Borusiya”sının mərkəz müdafiəçisi Mats Humels mövsümün sonunda karyerasını bitirməyi düşünür.

Prosport.Az xəbər verir ki, bu barədə “Bild” nəşri məlumat yayıb.

34 yaşlı almaniyalı futbolçunun “Borusiya” ilə müqaviləsi gələn ilin yayında başa çatır. Onun müqaviləsi bitdikdən sonra karyerasını bitirəcəyi bildirilir.

Qeyd edək ki, Mats Humels 2019-cu ildən “Borusiya”da çıxış edir. O daha əvvəl 2008-2016-cı illərdə də Dortmund klubunda çıxış edib. Bundan əlavə, futbolçu “Bayern”də də oynayıb. Hummels bu mövsüm 4 oyun keçirib və 2 qol vurub.