"Qarabağ"ın futbolçusu Abdulla Zubir Azərbaycan millisində oynamaqla bağlı fikirlərə münasibət bildirib.

Prosport.Az xəbər verir ki, o, jurnalistlərə açıqlamasında deyib:

"Mən azərbaycanlı yox, Fransa vətəndaşı olan mərakeşliyəm. Hazırda "Qarabağ"ın uğurlarına köklənmişəm".

O, "təklif olarsa, Azərbaycan millisində oynamaq istərdinizmi" sualına "Bilmirəm, baxarıq" cavabını verib.

Abdulla Zubir sentyabrın 21-də UEFA Avropa Liqasının qrup mərhələsinin ilk turunda qarşılaşacaqları "Molde" (Norveç) barədə də danışıb: "Avropa Liqasında asan oyun olmur. Qrupda rəqiblərimiz çətindir. Amma biz "Molde"ni təhlil edəcəyik. Rəqibi öz meydanımızda qəbul ecəcəyimizdən, bu oyunda yalnız qələbə üçün oynayacağıq".