"Çətin oyuna hazırlaşmışdıq. "Turan Tovuz" əvvəl yaxşı oyun keçirmişdi və üst pillədə idi. Komandanı oyuna yaxşı kökləmişdik. İlk hissədə qənaətbəxş çıxış etməsək də, fasilədən sonra 0:2-dən hesabı 2:2-yə gətirə bildik. Süni örtüklü meydançada oynasaq da, komanda əlindən gələni etdi".

Prosport.Az-ın Tovuza ezam olunmuş əməkdaşının verdiyi xəbərə görə, bunu "Qəbələ"nin məşqçisi Xaqani Məmmədov deyib.

O, baş hakim Əliyar Ağayev tərəfindən qırmızı vərəqə alması barədə fikirlərini bildirib: "Futbol emosiyalar oyunudur. İnsan özündən çıxa bilər. Biz iradımızı bildiririk. O dəqiqə sarı vərəqə verilir. Düşünürəm ki, bu cəhətdən hakimlər bir qədər diqqətli olsunlar. Orada mən tərəfdən söyüş olmayıb, etiraz olub. Demişəm ki, hakimlik edirsənsə, kişi kimi et. Onların epizodunda cərimə vərəqəsi verilmədi, mən də buna etiraz etmişdim".