Azərbaycan Premyer Liqasının VI turunun "Turan Tovuz" – "Qəbələ" matçında qonaqların məşqçisi Xaqani Məmmədov cəzalandırılıb.

Prosport.Az-ın Tovuza ezam olunmuş əməkdaşının verdiyi xəbərə görə, qonaq komandanı meydana çıxarmış köməkçi məşqçi Xaqani Məmmədov baş hakim Əliyev Ağayev tərəfindən texniki zonadan qovulub.

Belə ki, Xaqani Məmmədov ilk hissədə epizodlardan birinə sərt şəkildə etiraz edib. 1-ci dəfə sarı vərəqə alan X.Məmmədov etirazını davam etdirincə ardıcıl 2-ci sarı vərəqəni görməli olub.

O hazırda oyunu "Qəbələ"nin baş məşqçisi Elmar Baxşıyevlə birgə izləyir. Komandanın sükanı arxasında isə "Qəbələ"nin məşqçisi Rasim Ramaldanovdur.

Qeyd edək ki, Elmar Baxşıyev ötən tur "Zirə" ilə matçda cəzalandırıldığından, texniki zonada yer almayıb.