Qadın voleybolçulardan ibarət "DH Volley" komandası CEV Çelenc Kubokunda növbəti oyununa çıxacaq.

Prosport.Az xəbər verir ki, Azərbaycan təmsilçisi bu gün turnirin 1/32 final mərhələsinin cavab matçında Danimarkanın "Holte" kollektivini qəbul edəcək.

Qarşılaşma Fövqəladə Hallar Nazirliyinin Bakıdakı idman zalında, saat 18:00-da start götürəcək.

Qeyd edək ki, komandalar arasında ilk matçda "DH Volley" rəqibini 3:1 hesabı ilə məğlub edib. Cütün qalibi növbəti raundda Polşanın LKS klubu ilə qarşılaşacaq.